កម្មវិធីបំណិនជីវិត ការដាំរុក្ខជាតិ ដើមរាសី

កាលពី​ថ្ងៃទី​០៥ ខែកុម្ភៈ ឆ្នាំ២០២១ កន្លងទៅថ្មីៗនេះអ្នកគ្រូ អៀង រំពឹង បានរៀបចំ​កម្មវិធី បំណិនជីវិត អំពីការដាំកូនរុក្ខជាតិ (ដើមរាសី)​ សម្រាប់សិស្សានុសិស្សថ្នាក់មត្តេយ្យសិក្សា វេន​ព្រឹក​ និង​វេន​រសៀល​ នៃ​សាលារៀន​ អន្តរទ្វីប​ អាមេរិកាំង សាខាម៉ៅសេទុង(ការិយាល័យកណ្តាល) ។ កម្មវិធីបំណិនជីវិតខាងលើ អ្នកគ្រូ បានបង្ហាញ និងពន្យល់អំពីរបៀបបណ្តុះកូនរុក្ខជាតិឱ្យសិស្សានុសិស្សចេះបណ្ដុះដោយខ្លួនឯងទៅថ្ងៃអនាគត និងចេះបង្កើតសាមគ្គីភាព និងភាពស្និតស្នាលជា​មួយ​មិត្ត​ភក្តិក្នុង​ថ្នាក់ និងក្នុងសាលារៀន។ ការដែលរៀបចំធ្វើបំណិនជីវិតនេះគឺដើម្បីឱ្យប្អូនៗដឹងពីរបៀបក្នុងការបណ្តុះ ឬដាំដុះរុក្ខជាតិផ្សេងៗ ជាពិសេសគឺដើម្បីផ្សារភ្ជាប់ការសិក្សានៅក្នុងថ្នាក់ទៅនឹងការអនុវត្តជាក់ស្តែង។ បន្ថែមពីនេះទៅទៀត សិស្សានុសិស្សបានស្គាល់ប្រភេទរុក្ខជាតិផ្សេងៗផងដែរ។ សិស្សានុសិស្សទទួលបាននូវចំណេះដឹង និងបទពិសោធក្នុងការបណ្ដុះរុក្ខជាតិដោយខ្លួនឯងដោយមានការជួយសម្រួលពីអ្នកគ្រូ ដោយយល់ដឹងកាន់តែ​ច្បាស់​លាស់ និងប្រកបដោយបរិយាកាសរីករាយ។ សូមចុចកន្លែងនេះដើម្បើមើលសកម្មភាពសិស្សដាំកូនរុក្ខជាតិបន្ថែម