ការធ្វើបទបង្ហាញស្តីពីបទបញ្ជាផ្ទៃក្នុងរបស់សិស្ស

កាលពីថ្ងៃទី២០ ខែតុលា ឆ្នាំ២០១៧ គណៈកម្មការសាលា នៃសាលារៀន អន្តរទ្វីប អាមេរិកាំង រៀបចំធ្វើបទបង្ហាញពីបទបញ្ជាផ្ទៃក្នុងរបស់សិស្សនៅសាលប្រជុំ សូវ ហុងគុយ អគារ លិម គីមណយ សាខាម៉ៅសេទុង ដោយអ្នកគ្រូ ពៅ ស៊ី ថា។ ដោយសិស្សានុសិស្សទើបចូលរៀនបានប្រហែលជិតបានមួយសប្តាហ៍ប៉ុណ្ណោះខាងសាលាបានរៀបចំបទបង្ហាញស្តីពីបទបញ្ជាផ្ទៃក្នុងជូនដល់សិស្សថ្នាក់ទី៥ និងទី៦គឺដើម្បីឱ្យសិស្សានុសិស្សយល់ឱ្យបានច្បាស់អំពីច្បាប់ទំលាប់ វិន័យ សុជីវធម៍ និងធ្វើកិច្ចការផ្ទះ។ ពីព្រោះនៅខែបន្ទាប់ពីនេះគឺខែវិច្ឆិកា ឆ្នាំ២០១៧ នាពេលខាងមុខនេះសាលាចាប់ផ្តើមអនុវត្តច្បាប់ស្តីពីបទបញ្ជាផ្ទៃក្នុងរបស់សិស្សឱ្យមានប្រសិទ្ធភាព១០០%។