ដំណើរទស្សនកិច្ចសិក្សាលើកទី១១៨ ប្រចាំសាលារៀន អន្តរទ្វីប អាមេរិកាំង សម្រាប់សិស្សថ្នាក់ទី៨ ទៅកាន់សារមន្ទីរ នរបុរី ខេត្តកំពង់ស្ពឺ

កាលពីថ្ងៃទី២៦ ខែឧសភា ឆ្នាំ២០១៨ កន្លងទៅនេះ គណៈគ្រប់គ្រងសាលា និងលោកគ្រូ អ្នកគ្រូនៃសាលារៀន អន្តរទ្វីប អាមេរិកាំង បានដឹកនាំសិស្សថ្នាក់ទី៨ ទាំងបីសាខាមានសាខាម៉ៅសេទុង (ការិយាល័យកណ្តាល) សាខាទួលគោក និងសាខាចាក់អង្រែចុះទស្សនកិច្ចសិក្សានៅសារមន្ទីរ នរបុរី ខេត្តកំពង់ស្ពឺ ព្រមជាមួយនឹងកន្លែងកសិដ្ឋានចិញ្ចឹមត្រី ហើយថែមទាំងចុះចែកសម្ភារសិក្សាជូនដល់សិស្សានុសិស្សនៅ​សាលា​បឋ​ម​សិក្សា ​អង្គរយៀប។            នៅពេលសិស្សានុសិស្សសាលាបឋមសិក្សា អង្គរយៀបមានលោកនាយកសាលា និងសិស្សានុសិស្សជាច្រើនបានរង់ចាំស្វាគមន៍។ ចាងហ្វាង លោកគ្រូ អ្នកគ្រូ និងសិស្សានុសិស្ស (AIS) បានចូលតាមបន្ទប់រៀន និងបានចែកអំណោយដល់សិស្សរួមមាន សៀវភៅ ប៊ិក ខ្មៅដៃ ជ័រលុប បន្ទាត់ រួមទាំងសម្ភារសិក្សាយ៉ាងច្រើនផ្សេងទៀតយកទៅចែកជូនដល់ប្អូនៗសិស្សានុសិស្សសាលាបឋមសិក្សា អង្គរយៀបដើម្បីជាការចូលរួមចំណែកចែករំលែកនូវការលំបាក និងលើកទឹកចិត្តដល់ប្អូនៗសិស្សានុសិស្សនៅទីជនបទឱ្យបន្តយកចិត្តទុកដាក់រៀនសូត្រ។ ក្រោយពីការចែកអំណោយរួចរាល់ ចាងហ្វាង លោកគ្រូ អ្នកគ្រូ និងសិស្សានុសិស្ស (AIS) ក៏បន្តដំណើរទៅកាន់សារមន្ទីរ នរបុរី ។​​​​​​​​​​​​ ពេលទៅដល់ទីនោះសិស្សានុសិស្សបានទស្សនាសារមន្ទីរ នរបុរី ដែលមានតាំងវត្ថុបុរាណ បានយល់ដឹងបន្ថែមពីប្រវត្តរបស់វត្ថុបុរាណទាំងនោះ។          ​មិនត្រឹមតែប៉ុណ្ណោះ សិស្សានុសិស្ស​បានសរសេរ​ចម្លើយ​នៅ​​លើ​ក្រដាស​សំណួរ​ដែលសាលា​បាន​ចែក​​​ឱ្យ​សិស្សឆ្លើយសំណួរ។ បន្ថែមលើនេះទៅទៀតសិស្សានុសិស្សបានគយគន់ទិដ្ឋភាពក្នុងសារមន្ទីរ នរបុរី ​ ​ ដែល​ធ្វើ​ឱ្យ​សិស្សានុសិស្សមានភាពសប្បាយ​រីករាយជាមួយទិដ្ឋភាពក្នុងសារមន្ទីរ នរបុរី ទីនោះ។ ចាងហ្វាង លោកគ្រូ អ្នកគ្រូ និងសិស្សានុសិស្ស លោកគ្រូ អ្នកគ្រូបានថតរូបអនុស្សាវរីយ៍មុន​ពេល​ចេញ​​ដំណើរ​ត្រឡប់​​​​មកសាលាវិញ។