សិស្ស​ធ្វើ​ពិសោធ​សង្កេតមើល​សាច់ដុំ​កង្កែប​

កាលពីថ្ងៃ០៨ ខែកក្កដា ឆ្នំា២០១៩ កន្លងទៅនេះ អ្នកគ្រូ ឃាន កក្កដា នៃសាលារៀន អន្តរទ្វីប អាមេរិកាំង សាខាម៉ៅសេទុង បាននាំសិស្សថ្នាក់ទី១១ ធ្វើពិសោធអំពី សង្កេតមើលសាច់ដុំកង្កែប លើមុខវិជ្ជាជីវវិទ្យា។ គោលបំណងពិសោធនេះ ដើម្បីឱ្យសិស្សកាន់តែយល់ឱ្យច្បាស់ពីតួនាទី មុខងារ និងទីតាំង​ពិតប្រាកដ​នៃ​បណ្ដុំ​សរីរាង្គ​សាច់ដុំ​សារពាង្គ​កាយ​ផ្សេង​ៗ របស់​សត្វ​កង្កែប​។ សាលារៀន អន្តរទ្វីប អាមេរិកាំង តែងតែនាំសិស្សគ្រប់កម្រិតរៀនទ្រឹស្តីផ្សារភ្ជាប់ការអនុវត្តជាក់ស្តែងតាមរយៈធ្វើពិសោធជាក់ស្តែងពិតជា​មាន​សារៈសំខាន់​​ចំពោះ​សិស្សានុសិស្ស​ ព្រោះ​មិនមែន​ត្រឹមតែ​ដឹង​តាម​តែ​ទ្រឹ​ស្តី​មួយ​ផ្នែក​ទេ​ ជាមួយនឹង​គ្នា​នេះការអនុវត្ត​ជាក់ស្តែង​ សិស្ស​អាច​ឈ្លេច​ចេញ​រាល់​ចង្ងល់​ទាំងឡាយ​ដែល​បាន​បង្ហាញ​តាម​រយៈ​ទ្រឹ​ស្តី​ ហើយ​ចុងបញ្ចប់​ នឹង​បានឃើញ​ពិតប្រាកដ​មែន​។ នៅពេលសិស្សធ្វើពិសោធជាក់ស្តែងតែងតែមានសំណួរជាច្រើនសួរទៅកាន់អ្នកគ្រូ ហើយអ្នកគ្រូក៏បានឆ្លើយរាល់ចម្ងល់ ឬសំណួរទាំងនោះយ៉ាងក្បោះក្បាយដូចក្នុងករណី​ផ្ទៀងផ្ទាត់​មើល​ថា​ តើ​វា​មាន​ពិតប្រាកដ​ដែរ​ឬទ​? ជាង​នេះ​ទៅទៀត​ បន្ទាប់ពី​ពិសោធ​ហើយ​ យើង​អាច​ឃើញ​ស្បែក​កង្កែប​ សរសៃ​ដែល​ពាក់ព័ន្ធ​តាំងពី​ចុងជើង​ដល់​ក្បាល​ ហើយ​បានដឹង​សរីរាង្គ​ដែល​ខុសពី​មនុស្ស​ នឹង​សត្វ​ផ្សេង​ៗទៀត​។ សកម្មភាពសិស្សធ្វើពិសោធសង្កេតមើលសាច់ដុំកង្កែប