Category:

ការប្រកួត​អាន​ និង​តែង​អត្ថបទ​ភាសាខ្មែរ​ ម៉េ​ងលី​ ជេ​. គួច​

March 25th, 2019 by

កាលពីថ្ងៃទី២២ ខែមីនា ឆ្នាំ២០១៩ កន្លងទៅនេះ គណៈកម្មការសាលា និងលោកគ្រូ អ្នកគ្រូ នៃសាលារៀន អន្តរទ្វីប អាមេរិកាំង បានរៀបចំការប្រកួតអាន និងតែងអត្ថបទភាសាខ្មែរ ម៉េងលី ជេ. គួច លើកទី៦ វគ្គជម្រុះជុំទី១ ដើម្បីស្វែងរកបេក្ខជនដែលពូកែជាងគេយកទៅប្រកួតវគ្គផ្តាច់ព្រ័ត្រ។ កម្មវិធីប្រកួតនេះ ក្នុងគោលបំណងដើម្បីជំរុញស្មារតីសិស្សានុសិស្សឱ្យចូលចិត្តការអានសៀវភៅឱ្យបានច្រើន ដើម្បីលើកកម្ពស់ស្វ័យសិក្សា លើកកម្ពស់ការអានសៀវភៅជាការកម្សាន្តផ្លូវអារម្មណ៍ ដើម្បីទទួលបានចំណេះដឹង បង្កើននូវគំនិតទូលំទូលាយ ដឹងពីព័ត៌មាននៅជុំវិញខ្លួន យល់ដឹងពីពិភពលោកបានកាន់តែច្បាស់ ហើយធ្វើឱ្យពួកគេចេះពីវិធីសាស្ត្រក្នុងការអាន ការលើកដាក់សំឡេងត្រូវតាមឃ្លាប្រយោគ និងអានបានត្រឹមត្រូវតាមអក្ខរាវិរុទ្ធ។ តាមរយៈការប្រកួតនេះបានធ្វើឱ្យសិស្សានុសិស្សបង្កើនការយកចិត្តទុកដាក់ក្នុងការសរសេរត្រូវតាមអក្ខរាវិរុទ្ធ ពូកែលើសំណេរ តែងសេចក្តី និងឈានទៅរកភាពស្ទាត់ជំនាញក្នុងការតែងនិពន្ធទៀតផង ជាពិសេសគឺធ្វើឱ្យពួកគេខិតខំប្រឹងប្រែងរៀនសូត្រកាន់តែពូកែជាងមុនលើមុខវិជ្ជាភាសាខ្មែរ ដើម្បីចូលរួមលើកកម្ពស់វិស័យអក្សរសាស្រ្តជាតិរបស់យើងទាំងអស់គ្នា។

សិស្សឆ្នើម៣រូបប្រឡងជាប់ជាសិស្សពូកែរាជធានី

March 9th, 2019 by

សិស្សថ្នាក់ទី១២ ៣រូបនៃ​សាលារៀន អន្តរទ្វីប អាមេរិកាំងបានប្រឡងជាប់ជាសិស្សពូកែទូទាំងរាជធានីសម្រាប់ឆ្នាំសិក្សា២០១៨-២០១៩ ហើយបេក្ខជនទាំង៣រូបនេះបានត្រៀមខ្លួនចូលរួមប្រឡងជ្រើសរើសសិស្សពូកែទូទាំងប្រទេសនឹងប្រព្រឹត្តទៅថ្ងៃទី២២ ខែមេសា នៅវិទ្យា​វិទ្យាល័យ​១០​មករា​១៩៧៩ ខេត្ត​សៀមរាប នា​ពេល​ខាង​មុខ​។ សិស្សឆ្នើម៣រូបមានដូចជា យ៉ាង ស៊ុនម៉េង សិស្ស​ពូកែ​អក្សរ​សាស្ដ្រ​ខ្មែរ ជាប់​ចំណាត់​ថ្នាក់​លេខ​៣ យុវ​ជន គីម ហេង សិស្ស​ពូកែ​រូបវិទ្យា ជាប់​ចំណាត់​ថ្នាក់​លេខ​៥ និង​យុវតី ទ្រី ម៉ូនីកា សិស្ស​ពូកែ​គណិត​វិទ្យា ជាប់​ចំណាត់​ថ្នាក់​លេខ​៤។

ការប្រកួតនិទានរឿងជាភាសាអង់គ្លេស វគ្គជម្រុះជុំទី១

February 26th, 2019 by

 

កាលពីថ្ងៃទី២៣ ខែកុម្ភៈ ឆ្នាំ២០១៩ សាលារៀន អន្តរទ្វីប អាមេរិកាំង ទាំងបីសាខា បានរៀបចំកម្មវិធីប្រកួតនិទានរឿងជាភាសអង់គ្លេសទៅតាមសាខារាងៗខ្លួន។ កម្មវិធីប្រកួតប្រជែង​និទានរឿង​ជា​ភាសាអង់គ្លេស គឺដើម្បីបង្កើត​ឡើងក្នុងគោល​បំណងសំខាន់ៗ​៣យ៉ាង ទី១ ដើម្បីពង្រឹង​សមត្ថភាពភាសាអង់គ្លេស​ដល់​សិស្សានុសិស្ស។ ទី២ បណ្ដុះ​សិស្សានុសិស្ស​ឱ្យមាន​ទម្លាប់អាន និងទី៣ បណ្ដុះឱ្យ​សិស្សមាន​ភាពក្លាហាន និង​មានឥរិយាបថ​ល្អ។ បេក្ខជនដែលជាប់ក្នុងជុំទី១នេះនឹង​ឡើងទៅកាន់​វគ្គផ្ដាច់ព្រ័ត្រ នៅ​ថ្ងៃទី២៣ ខែមីនា​ខាងមុខ។

លិខិតអបអរសាទរ

February 26th, 2019 by

ការប្រកួតចំណេះដឹង ភូមិសាស្រ្តជាតិ ម៉េងលី ជេ. គួច វគ្គផ្តាច់ព្រ័ត្រ

February 18th, 2019 by

កាលពីថ្ងៃទី១៦ ខែកុម្ភៈ ឆ្នាំ២០១៩ កន្លងទៅនេះ សាលារៀន អន្តរទ្វីប អាមេរិកាំង បានរៀបចំការប្រកួតចំណេះដឹង ភូមិសាស្រ្តជាតិ ម៉េងលី ជេ. គូច លើកទី៧ សម្រាប់វគ្គផ្តាច់ព្រ័ត្រ នៅសាលប្រជុំ សូវ ហុងគុយ
អគារ លីម គីមណយ សាលារៀន អន្តរទ្វីប អាមេរិកាំង សាខាម៉ៅសេទុង។ ការប្រកួតនេះបានជ្រើសរើសបេក្ខជនដែលឆ្លងកាត់វគ្គជម្រុះទី២ដើម្បីប្រកួតក្នុងវគ្គផ្តាច់ព្រ័ត្រ ហើយជាលទ្ធផលគណៈកម្មការជំនាញបានរកឃើញ​បេក្ខជន ដែល​មាន​សមត្ថភាព​ខ្ពស់ លើ​ចំណេះដឹង​ភូមិសាស្ត្រ​ជាតិ លើក​ទី៧ ចំនួន​៣រូប ជាប់​ជា​ជើង​ឯកពាន​រង្វាន់ ម៉េងលី ជេ. គួច ក្នុង​​ឆ្នាំសិក្សា២០១៨-២០១៩។ បេក្ខជន ដែល​ឆ្លង​ផុតដល់​វគ្គផ្ដាច់​ព្រ័ត្រ និង​ជាប់ជ័យ​លាភី ក្នុងការ​ប្រកួត​ចំណេះដឹង​ភូមិសាស្ត្រ​ជាតិ ម៉េងលី ជេ. គួច ទាំង៣​រូប​នោះ គឺ​លេខ​១ បាន​ទៅ​យុវតី ស៊ីម សេនឌី ជាសិស្ស​មក​ពី​សាលារៀន AIS សាខា​ចាក់​អង្រែ​។ លេខ២ បានទៅ​លើ​យុវជន សារិន ណាឌីន និង​លេខ៣ បានទៅ​លើ​យុវតី ជា កានសូលីព ជា​សិស្ស​​មក​ពី​​សាលារៀន AIS សាខាម៉ៅសេទុង​។​ កម្មវិធីប្រកួតនេះជម្រុញឱ្យសិស្សានុសិស្សបង្កើនសមត្ថភាព ចំណេះដឹង ភាពប៉ិនប្រសប់ និងភាពក្លាហានក្នុងការចូលរួមប្រកួត។ពីព្រោះកម្មវិធីនេះ​បាន​ឆ្លង​កាត់​ការ​ប្រកួត​ប្រជែង​ចំណេះ​ដឹង​នេះ សិស្សានុសិស្សបាន​ទទួល​បាន​បទពិសោធ​ថ្មីៗ មាន​ស្មារតី​ល្អ មានចំណេះដឹង​ទូលំទូលាយ​ អត់​ធ្មត់ ព្យាយាម ប្រឹងប្រែង​ស្រាវជ្រាវ អាន​សៀវភៅ និង​មាន​សមត្ថភាព​ខ្ពស់ សម្រាប់​ប្រកួត​ទាំង​ថ្នាក់​ជាតិ និង​អន្តរ​ជាតិ នៅ​លើក​ក្រោយៗ​ទៀត។​ បេក្ខជន និង​បេក្ខនារី ៣រូប ដែលជាប់ជើង​ឯកពាន​រង្វាន់​ភូមិសាស្ត្រ​ជាតិ ម៉េងលី ជេ. គួច ក្នុង​​ចំណោម​បេក្ខជន​ចូលរួម​ប្រកួត​សរុប​ចំនួន ១៤១ នាក់នោះ លេខ១ ទទួល​បានមេដាយ​មាស​១គ្រឿង អាហារូប​ករណ៍​១០០% បណ្ណសរសើរ និង​វត្ថុអនុស្សាវរីយ៍។ រីឯលេខ២ ទទួល​បានមេដាយ​ប្រាក់១គ្រឿង អាហារូប​ករណ៍​៧៥% បណ្ណសរសើរ និង​វត្ថុអនុស្សាវរីយ៍ និងលេខ៣ ទទួល​បាន​មេដាយ​សំរឹទ្ឋ អាហារូប​ករណ៍​៥០% បណ្ណ​សរសើរ និង​វត្ថុអនុស្សាវរីយ៍។

សិស្សចូលរួមប្រកួតប្រជែងយល់ដឹងស្តីពីអាស៊ានថ្នាក់ជាតិ

July 21st, 2018 by

កាលពីថ្ងៃទី២០ ខែកក្កដា ឆ្នាំ២០១៨ កន្លងទៅនេះ គណៈកម្មការសាលា នៃសាលា​រៀន អន្តរ​ទ្វីប អាមេរិកាំង បានដឹកនាំសិស្សានុសិស្សទៅចូលរួមកម្មវិធីល្បងប្រាជ្ញាស្តីពីអាស៊ានសម្រាប់ឆ្នាំ២០១៨ នៅទូរទស្សន៍​ជាតិ​កម្ពុជា។ កម្មវិធីនេះដើម្បី​អបអរសាទរ ខួប​លើក​ទី៥១ នៃ​ការបង្កើត​អាស៊ាន និង​ខួបទី២១ នៃ​កិច្ចសហ​ប្រតិបត្តិ​ការ​អាស៊ាន​បូកប៣ រួម​មាន​ចិន ជប៉ុន និង​សាធារណៈ​រដ្ឋ​កូរ៉េ។ សិស្សានុសិស្សពិតជាទទួលបាន​ចំណេះដឹង​ដែល​ទាក់​ទង​នឹង​អាស៊ាន ព្រម​ទាំង​បទ​ពិសោធ​ក្នុងការ​ប្រកួត និង​បាន​ពង្រឹង​សមត្ថភាព​តាម​រយៈការ​ចូល​ប្រកួត​នេះ​ផងដែរ។ ម្យ៉ាងទៀតកម្មវិធី​ល្បង​ប្រាជ្ញា​ពិសេស​ស្តីពី​អាស៊ាន​ឆ្នាំ​២០១៨ ដែល​ផ្តួច​ផ្តើម​រៀបចំ​ឡើង​ដោយ​ក្រសួង​ការ​បរទេស និង​សហ​ប្រតិបត្តិ​ការអន្តរជាតិ សហការ​យ៉ាង​ជិត​ស្និទ្ធ​ជា​មួយ​ក្រសួង​អប់រំ ក្រសួង​ពាណិជ្ជកម្ម និង​ក្រសួង​ព័ត៌មាន នា​ពេល​នេះ ផ្ដោត​សំខាន់​ទៅ​លើការ​បង្កើន​ការ​យល់​ដឹង​អំពី​សហគមន៍​អាស៊ាន​ដល់​សិស្ស​-និស្សិត និង​ប្រជា​ពលរដ្ឋ​កម្ពុជា​ទូ​ទៅ។

លទ្ធផលការប្រកួតចំណេះដឹងវប្បធម៌-អរិយធម៌ខ្មែរ វគ្គផ្តាច់ព្រ័ត្រ

July 2nd, 2018 by

កាលពីថ្ងៃទី៣០ ខែមិថុនា ឆ្នាំ២០១៨ កន្លងទៅនេះ សាលារៀន អន្តរទ្វីប អាមេរិកាំង បានប្រារព្ធការប្រកួតចំណេះដឹងវប្បធម៌-អរិយធម៌ខ្មែរ ម៉េង លីជេ. គួច លើកទី៥ វគ្គផ្តាច់ព្រ័ត សម្រាប់​សិស្សានុសិស្សថ្នាក់ទី៧ ដល់ទី១២ ដែលមានការចូលរួមពីសំណាក់សិស្សានុសិស្សនៃសាលារៀន អន្តរទ្វីប អាមេរិកាំង ជាច្រើននាក់នៅសាលប្រជុំ សូវ ហុងគុយ នៃអគារ លីម គីមណយ សាខាម៉ៅសេទុង (ការិយាល័យកណ្តាល)។ ការប្រកួតចំណេះដឹងវប្បធម៌-អរិយធម៌ ម៉េងលី ជេ. គួច នេះ ត្រូវបានរៀបចំឡើងយ៉ាងសុក្រឹត​បំផុតដោយតម្រូវឱ្យប្អូនៗបេក្ខជនទាំងអស់បញ្ចេញកម្លាំងបញ្ញាស្មារតីដែលមានទំាងប៉ុន្មាន ព្រោះ​ថាការប្រកួតពីមួយជុំទៅមួយជុំមានការលំបាកទាមទារឱ្យប្អូនៗមានការយកចិត្តទុកដាក់។ នៅ​ក្នុង​វគ្គនីមួយៗ មានរយៈពេលទៅតាមគណៈកម្មការទាំងអស់បានពិភាក្សាគ្នា​យ៉ាង​ល្អិតល្អន់ ហើយនៅវគ្គនីមួយៗនេះផងដែរ ត្រូវបានជម្រុះយកតែអ្នកដែលមានសមត្ថភាពចុងក្រោយ​ចម្រាញ់នៅសល់តែបីក្រុមតែប៉ុណ្ណោះទទួលបានជ័យលាភីក្នុងការប្រកួត។ ក្នុងវគ្គផ្តាច់ព្រ័តនេះបេក្ខជនដែលជាប់ក្នុងវគ្គជម្រុះជុំទី២ ត្រូវប្រកួតបានប្រកួតប្រជែងគ្នាយ៉ាងសកម្ម និងស្វិតស្វាញបំផុតដោយឆ្លងកាត់ការវាយតម្លៃយ៉ាងសុក្រឹតពីសំណាក់គណៈមេប្រយោគដែលជាលោកគ្រូ   អ្នកគ្រូលើមុខវិជ្ជាប្រវត្តិវិទ្យា និងសីលធម៌-ពលរដ្ឋវិជ្ជា។ ទីបំផុតគណៈមេប្រយោគបានរកឃើញបេក្ខជន៣ក្រុម ដែលមានចំណេះដឹង និងសមត្ថភាពលើសគេ ជាពិសេសមានភាពក្លាហាន និងមានទំនុកចិត្តខ្ពស់លើខ្លួនឯងដែលទទួលជ័យលាភីក្នុងប្រកួតចំណេះដឹងវប្បធម៌-អរិយធម៌ លើកទី៥ នេះ  មានរាយនាមខាងក្រោម៖

 

ល.រ. អត្តលេខ គោត្តនាម-នាម ភេទ ថ្នាក់ ចំណាត់ថ្នាក់
1 m4898 ចាន់ សុខម៉េង 10D 1
2 m4342 លឹម ឆេងហ៊ុយ 10D
3 m4746 ស៊ីម សុវត្ថិនា 9B 2
4 m5035 តាំង ប៊ុនសេង 9B
5 m4172 អ៊ុំ ច័ន្ទចរិយា 10B 3
6 m4102 សុភ័ក្រ វណ្ណវីកា 10B

 

ហើយក្រុមបេក្ខជនដែលមានសមត្ថភាពដណ្ដើមបានជ័យលាភីលេខ១ នៅវគ្គផ្ដាច់ព្រ័ត្រនេះ គឺទទួលបានអាហារូបករណ៍សិក្សាឥតបង់ថ្លៃ១០០% មេដាយមាស២ ម្នាក់មួយ បណ្ណសរសើរ២សន្លឹកម្នាក់មួយ និងវត្ថុអនុស្សាវរីយ៍។ រីឯក្រុមលេខ២ ទទួលបានអាហារូបករណ៍៧៥% មេដាយប្រាក់២ បណ្ណសរសើរ២សន្លឹកម្នាក់មួយ និងវត្ថុអនុស្សាវរីយ៍ និងលេខ៣ ទទួលបានអាហារូបករណ៍៥០% មេដាយសំរឹទ្ធិ២ម្នាក់មួយ បណ្ណសរសើរ២សន្លឹក ម្នាក់មួយ និងវត្ថុអនុស្សារីយ៍ផងដែរ។ នៅក្នុងការប្រកួតវគ្គផ្តាច់ព្រ័ត្របេក្ខជន មានភាពសុក្រិតពីសំណាក់គណៈមេប្រយោគ ដែលជាលោកគ្រូ អ្នកគ្រូ​មុខ​តាមមុខវិជ្ជា។

ការប្រកួតចំណេះដឹងវប្បធម៌-អរិយធម៌ខ្មែរ ម៉េងលី ជេ. គួច លើកទី៥ (វគ្គជម្រុះជុំទី១)

June 11th, 2018 by

កាលពីថ្ងៃទី០៨ ខែមិថុនា ឆ្នាំ២០១៨ សាលារៀន អន្ដរទ្វីប អាមេរិកាំង អគារ លីម គីមណយ សាខាម៉ៅសេទុង បានប្រារឰ​កម្មវិធី​ការប្រកួតចំណេះដឹងវប្បធម៌ អរិយធម៌ខ្មែរ ម៉េងលី ជេ. គួច លើក​ទី៥ ថ្នាក់ទី៧ ដល់ទី១២ សម្រាប់ វគ្គជម្រុះទី១​ និងវគ្គជម្រុះទី២ ​ដើម្បីជ្រើសរើសយកបេក្ខជនត្រូវប្រកួតវគ្គផ្តាច់ព្រ័ត្រ។     នៅក្នុងការប្រកួតវគ្គផ្តាច់ព្រ័ត្របេក្ខជនបានប្រកួតប្រជែងគ្នាដើម្បីស្វែងរកបេក្ខជនលេខ១ លេខ២ និងលេខ៣។ នៅក្នុងវគ្គជម្រុះនីមួយៗមានភាពសុក្រិតពីសំណាក់គណៈមេប្រយោគ ដែលជាលោកគ្រូ អ្នកគ្រូ​មុខ​តាមមុខវិជ្ជា។

  • ថ្ងៃទី៣០ ខែមិថុនា ឆ្នាំ២០១៨ ការប្រកួតវគ្គផ្តាច់ព្រ័ត្រ នៅសាលប្រជុំ សូវ ហុងគុយ អគារ លីម គីមណយ នៃសាលារៀន អន្តរទ្វីប អាមេរិកាំង សាខាម៉ៅសេទុង។

សិស្សសាលារៀន អន្តរទ្វីប អាមេរិកាំង ទទួលបានមេដាយប្រាក់ និងសំរិទ្ធ

May 28th, 2018 by

កាលពីថ្ងៃទី២១ ខែមេសា ឆ្នាំ២០១៨ កន្លងទៅ​នេះ សិស្សសាលារៀន អន្តរ​ទ្វីប អាមេរិកាំង បានចូលរួមប្រកួតក្នុង​កម្មវិធី​ប្រកួត​ប្រជែង​គណិត​វិទ្យា​អូឡាំព្យាដ​របស់​ប្រទេស​សិង្ហបុរី និង​សាលា​ផ្សេងៗ​ក្នុង​តំបន់​អាស៊ាន ឆ្នាំ​២០១៨ ដែល​គេ​ហៅ​កាត់​ថា SASMO ហើយនៅថ្ងៃទី២៦ ខែឧសភា ឆ្នាំ២០១៨ សិស្សសាលារៀន អន្តរ​ទ្វីប អាមេរិកាំង ទៅទទួល​វិញ្ញាបនបត្រ និង​មេដាយ​នៅវិទ្យាល័យស៊ីសុវត្តិ ដោយកុមារី សម្បត្តិ សិ​រីកា ទទួលបានមេដាយ​ប្រាក់ និងកុមារា ចាន់ វិទូ ទទួល​បាន​មេដាយ សំរិទ្ធ។ សិស្សានុសិស្សដែលប្រកួតប្រជែងជាប់មានឱកាសចូលរួមប្រកួត នៅ​ប្រទេស​សិង្ហបុរី នៅ​ថ្ងៃ​ទី០៦ ដល់​ថ្ងៃ​ទី០៩ ខែ​កក្កដា ឆ្នាំ ២០១៨ ខាង​មុខ។ រូបភាពដកស្រង់ពីអ៊ីនធ័រខន រ៉ូស្ទ័រ

ការប្រកួតអាន និងតែងអត្ថបទ ភាសាខ្មែរ ម៉េងលី ជេ. គួច លើកទី៥ វគ្គផ្ដាច់ព្រ័ត្រ

May 7th, 2018 by

កាលពីថ្ងៃទី០៥ ខែឧសភា ឆ្នាំ២០១៨ សាលារៀន អន្ដរទ្វីប អាមេរិកាំង បានប្រារឰ​កម្មវិធី​ការប្រកួតអាន និងតែងអត្ថបទ ភាសាខ្មែរ ម៉េងលី ជេ. គួច លើក​ទី៥ ថ្នាក់ទី៧ ដល់ទី១២ តាមសាខានីមួយៗបានយកបេក្ខជនរបស់ខ្លួនដើម្បីចូលរួមប្រកួតវគ្គផ្ដាច់ព្រ័ត្រ នៅសាខាកណ្តាល ម៉ៅសេទុង។ ជាលទ្ធផលនៃការប្រកួតប្រជែងអាន និងតែងអត្ថបទភាសាខ្មែរ គណៈកម្មការវាយតម្លៃនៃកម្មវិធី ការប្រកួតអាន និងតែងអត្ថបទភាសាខ្មែរ ម៉េងលី ជេ. គួចលើកទី៥ បានរកឃើញម្ចាស់ជ័យលាភី៣រូប ដែលមានសមត្ថភាពខ្ពស់ជាងគេ និងស័ក្តិសមជាម្ចាស់ជ័យលាភីរួមមាន លេខ១ យុវសិស្ស តាំង ឆាយហ៊ួត សិស្សថ្នាក់ទី១១ នៃសាលារៀន អន្តរទ្វីប អាមេរិកាំង សាខាម៉ៅសេទុង លេខ២ យុវសិស្ស ង៉ូវ ហ៊ុយតិច សិស្សថ្នាក់ទី១១ សាខាម៉ៅសេទុង និងលេខ៣ គឺយុវតី សាមន្ថា លក្ម្សី សិស្សថ្នាក់ទី១១ សាខាម៉ៅសេទុង។ ហើយបេក្ខជនដែលមានសមត្ថភាពដណ្ដើមបានជ័យលាភីលេខ១ នៅវគ្គផ្ដាច់ព្រ័ត្រនេះ គឺទទួលបានអាហារូបករណ៍សិក្សាឥតបង់ថ្លៃ១០០% មេដាយមាស១ បណ្ណសរសើរ១សន្លឹក និងវត្ថុអនុស្សាវរីយ៍។ រីឯលេខ២ ទទួលបានអាហារូបករណ៍៧៥% មេដាយប្រាក់១ បណ្ណសរសើរ១សន្លឹក និងវត្ថុអនុស្សាវរីយ៍ និងលេខ៣ ទទួលបានអាហារូបករណ៍៥០% មេដាយសំរឹទ្ធិ១ បណ្ណសរសើរ១សន្លឹក និងវត្ថុអនុស្សារីយ៍ផងដែរ។ មិនតែប៉ុណ្ណោះ ក្រៅពីបេក្ខជនជើងឯកទាំង៣រូបនោះ គណៈគ្រប់គ្រងសាលារៀន អន្តរទ្វីប អាមេរិកាំង ក៏បានផ្ដល់វចនានុក្រមខ្មែរមួយក្បាល ដល់បេក្ខជនលេខ ៤ ដល់លេខ១០ផងដែរ ដើម្បីជាការលើកទឹកចិត្ត។