March 4th, 2019 by Veasna Kheang
កាលពីថ្ងៃទី០១ ខែមីនា ឆ្នាំ២០១៩ កន្លងទៅនេះ អ្នកគ្រូ ហ៊ាង បុប្ផារិទ្ធ នៃសាលារៀន អន្តរទ្វីប អាមេរិកាំង សាខាម៉ៅសេទុងបានដឹកនាំសិស្សថ្នាក់ទី៦ ដើម្បីសិក្សាពីបំណិនជីវិតស្តីពី ដាំស្ពៃក្តោប។ កម្មវិធីនេះពិតជាមានសារៈសំខាន់ណាស់សម្រាប់សិស្សក្នុងជីវិតសិក្សា ព្រោះដើម្បីធ្វើឱ្យសិស្សងាកមកចាប់អារម្មណ៍នឹងការស្រឡាញ់បរិស្ថានធម្មជាតិ ការដាំបន្លែដែលគ្មានជាតិគីមី និងមានភាពងាយស្រួលក្នុងការដាំ។ សាលារៀន អន្តរទ្វីប អាមេរិកាំង តែងតែយកចិត្តទុកដាក់លើការសិក្សាត្រូវតែផ្សារភ្ជាប់នឹងការធ្វើផ្ទាល់ដៃដោយឱ្យសិស្សមកអនុវត្តជាក់ស្តែង។ ជាងនេះទៅទៀត សិស្សបានសិក្សាឈ្វេងយល់ពីការដាំបន្លែដែលគ្មានជាតិគីមីឱ្យបានច្រើន ដើម្បីសន្សំសំចៃថវិកា និងបានរួមចំណែកកាត់បន្ថយជាតិពុលក្នុងបរិស្ថានបានមួយផ្នែក។ សិស្សានុសិស្សបន្ទាប់ពីទទួលបានចំណេះដឹងថ្មីៗស្តីពីការដាំរុក្ខជាតិពីអ្នកគ្រូរួច សិស្សទាំងអស់មានអារម្មណ៍សប្បាយរីករាយ និងមិនមានភាពស្មុគស្មាញ ៕
February 26th, 2019 by Veasna Kheang
កាលពីថ្ងៃទី២៣ ខែកុម្ភៈ ឆ្នាំ២០១៩ កន្លងទៅនេះ សិស្សថ្នាក់ទី១២ នៃសាលារៀន អន្តរទ្វីប អាមេរិកាំង សាខាម៉ៅសេទុងបានលើកយក «អង់ស្យូស្ពែម» មកធ្វើជាកម្មវត្ថុសម្រាប់អង្កេតរកកញ្ចុំកេសរឈ្មោលរបស់ផ្កាដោយប្រើឧបករណ៍បច្ចេកទេសទំនើប។ ការពិសោធនេះដឹកនាំដោយអ្នកគ្រូ ម៉ែន ភក្តី គ្រូឯកទេសជីវវិទ្យា ដោយពិសោធរកកញ្ចុំកេសរឈ្មោលរបស់ផ្កាឈូកខ្មែរ ផ្កាឈូកថៃ និងផ្ការំយោល ដើម្បីដឹងច្បាស់ពីចំនួនស្រទាប់របស់ផ្កាប្រភេទទាំងនេះ ព្រមទាំងកញ្ចុំកេសរឈ្មោលរបស់ផ្កា ណាមួយដែលមានចំនួនច្រើន ណាមួយមានចំនួនតិច។ ដោយប្រើឧបករណ៍ពិសោធអង្កេតដោយហ្មត់ចត់ សិស្សានុសិស្សទទួលបានលទ្ធផលផ្កាឈូកខ្មែរមានស្រទាប់តិច ហើយកញ្ចុំកេសរឈ្មោលមានច្រើន ចំណែកផ្កាឈូកថៃមានស្រទាប់ច្រើនតែមានកញ្ចុំកេសរឈ្មោលតិច។ ការពិសោធ គឺជាការបញ្ជ្រាបចំណេះដឹងដល់សិស្សបង្ហាញទ្រឹស្តីផ្សារភា្ជប់នឹងការអនុវត្ត ដែលអាចធ្វើឱ្យសិស្សឆាប់ចាប់បាន ឆាប់យល់ដឹងច្បាស់ពីអ្វីដែលពួកគេកំពុងតែសិក្សា។
February 23rd, 2019 by Veasna Kheang
កាលពីថ្ងៃទី២១ ខែកុម្ភៈ ឆ្នាំ២០១៩ កន្លងទៅនេះ អ្នកគ្រូ ទី មុនីរក នៃសាលារៀន អន្តរទ្វីប អាមេរិកាំ អគារ ងិន ហួយ សាខាម៉ៅសេទុង បានរៀបចំ បំណិនជីវិត ដាំប៉ិកួរ ខ្ទឹម មើមដំឡូង និងត្រាវ ដើម្បីឱ្យសិស្សស្រឡាញ់ និងនាំគ្នារក្សាបរិស្ថនធម្មជាតិ ម៉្យាទៀតសិស្សបានយល់ដឹងពីរុក្ខជាតិដែលងាយដាំតាមផ្ទះ ព្រោះរុក្ខជាតិខ្លះមិនចាំបាច់ត្រូវការប្រើគ្រាប់ដាំ ដោយគ្រាន់តែយកផ្នែកណាមួយនៃរុក្ខជាតិនោះមកដាំក៏អាចបានផលដែរ ហើយមួយទៀត ខ្ញុំចង់ឱ្យគាត់បានដឹងពីសារប្រយោជន៏នៃរុក្ខជាតិនីមួយៗ និងឱ្យគាត់បានដឹងពីបរិស្ថានដែលនៅជុំវិញខ្លួនផងដែរ។ សិស្សរបស់សាលារៀន អន្តរទ្វីប អាមេរិកាំង តែងតែសិក្សាទ្រឹស្តី ផ្សាភ្ជាប់ជាមួយការអនុវត្តជាក់ស្តែងទើបសិស្សទទួលបានចំណេះដឹងគ្រប់គ្រាន់នឹងចងចាំមេរៀនបានល្អ។
February 9th, 2019 by Veasna Kheang
សាលារៀន អន្តរទ្វីប អាមេរិកាំងមានកម្មវិធីបំណិតជីវិតសំបូរបែប ហើយកម្មវិធីនេះមានចាប់ពីថ្នាក់ក្រោមមត្តេយ្យដល់ថ្នាក់ទី១២។ ជាក់ស្តែងកាលពីថ្ងៃ០៧ ខែកុម្ភៈ ឆ្នាំ២០១៩ កន្លងទៅនេះ អ្នកគ្រូនៅអគារ ងិន ហួយ សាលារៀន អន្តរទ្វីប អាមេរិកាំង សាខាម៉ៅសេទុង បានរៀបចំបំណិនជីវិតស្តីអំពី នំប៉័ងដាក់ទឹកដោះគោ សម្រាប់សិស្សានុសិស្សថ្នាក់មត្តេយ្យសិក្សា ដើម្បីស្វែងយល់ពីរបៀបនំប៉័ងដាក់ទឹកដោះគោ និងបង្ហាញសម្ភារ ឱ្យកុមារស្គាល់ដែលមាននៅក្នុងជីវិតរស់នៅប្រចាំថ្ងៃ ហើយជាពិសេសបំណិនជីវិតនេះជួយឱ្យកុមារមានការផ្លាស់ទង្វើអវិជ្ជមានមួយចំនួនរបស់កុមារឱ្យប្រសើរទៀតផង។
November 20th, 2018 by Veasna Kheang
សាលារៀន អន្តរទ្វីប អាមេរិកាំង មានកម្មវិធីយ៉ាងសំបូរបែបដែលបន្ថែមលើមុខវិជ្ជាគោល សូមទស្សនាលើកម្មវិធីមួយក្នុងចំណោមកម្មវិធីជាច្រើនដែលមានឈ្មោះថាបំណិនជីវិតមានដូចខាងលើ។ កម្មវិធីបំណិនជីវិតនេះបណ្តុះស្មារតីសិស្សានុសិស្សឱ្យស្វែងយល់ពីជីវិតរស់នៅប្រចាំថ្ងៃមានដូចជា របៀបធ្វើ សម្ភារចម្អិន គ្រឿងផ្សំ របៀបចម្អិន ព្រមទាំងសហការជាក្រុម និងការអនុវត្តន៍ជាក់ស្តែង។
November 7th, 2018 by Veasna Kheang
កាលពីថ្ងៃទី០៦ ខែវិច្ឆិកា ឆ្នាំ២០១៨ កន្លងទៅនេះ អ្នកគ្រូបង្គោលថ្នាក់ទី២ បានដឹកនាំសិស្សានុសិស្សថ្នាក់ទី២ វេនព្រឹក និងវេនរសៀលរៀនដាំត្រកួន នៅក្នុងអគារ ងិន ហួយ សាលារៀន អន្តរទ្វីប អាមេរិកាំង សាខាម៉ៅសេទុង។
អ្នកគ្រូបានបង្ហាញពីឈ្មោះគ្រាប់បន្លែដែលត្រូវដាំ សម្ភារ ដី និងការស្រោចទឹកទៅតាមដំណាក់កាល។ បន្ទាប់មកទៀត សិស្សានុសិស្សបានចូលរួមដាំត្រកួន ទាំងអស់គ្នាដោយភាពសប្បាយរីករាយ។
អ្នកគ្រូក៏បានចែករំលែកនូវវិធីសាស្រ្តដើម្បីថែទាំការដាំត្រកួន ឱ្យដុះលូតលាស់បានល្អ។ បន្ទាប់ពីបានដាំបន្លែរួចហើយ សិស្សានុសិស្សមានសេចក្តីត្រេកអរ និងទន្ទឹងរង់ចាំមើលការលូតលាស់របស់បន្លែដែលពួកគេបានដាំ។ ជាលទ្ធផល សិស្សានុសិស្សទាំងអស់បានយល់ដឹងពីរបៀបដាំបន្លែ ការស្រោចទឹកទៅតាមដំណាក់កាល និងវិធីសាស្រ្តថែទាំដាំបន្លែឱ្យដុះលូតលាស់បានល្អ ព្រមទាំងទទួលបានភាពសប្បាយរីករាយនៅក្នុងកម្មវិធីនេះផងដែរ។
July 19th, 2018 by Veasna Kheang
កាលពីថ្ងៃទី១៦ ខែកក្កដា ឆ្នាំ២០១៨ កន្លងទៅនេះ គណៈគ្រប់គ្រងសាលាបានរៀបចំកម្មវិធីបំណិនជីវិត បាយឆាសាច់ជ្រូក ឆាក្តៅសាច់មាន់ ស៊ូស៊ី ត្រាវឆឹងស្ករ និងបង្អែមនំអ៊ី នៃសាលារៀន អន្តរទ្វីប អាមេរិកាំង។ ការរៀបចំឡើង អ្នកគ្រូបានបង្ហាញ និងពន្យល់អំពីរបៀបធ្វើបាយឆាសាច់ជ្រូក ឆាក្តៅសាច់មាន់ ស៊ូស៊ី ត្រាវឆឹងស្ករ និងបង្អែមនំអ៊ី ទៅកាន់ប្អូនៗ ហើយសិស្សានុសិស្សបានស្វែងយល់ពីការងារមេផ្ទះក្នុងការរស់នៅក្នុងសង្គមដោយខ្លួនឯងទៅថ្ងៃអនាគត។ ម្យ៉ាងទៀត សិស្សានុសិស្សបានចូលរួមបង្កើតសាមគ្គីភាព និងភាពស្និតស្នាលជាមួយមិត្តភក្តិក្នុងថ្នាក់ និងក្នុងសាលារៀន។ បន្ថែមពីនេះ សិស្សានុសិស្សបានអនុវត្តដោយផ្ទាល់ក្នុងបំណិនជីវិតនេះផងដែរ ដើម្បីជាការសាកល្បងដោយផ្ទាល់បន្ទាប់ពីអ្នកគ្រូរបស់គាត់បានបង្ហាត់បង្ហាញចប់ និងក្រោយពេលបានចម្អិនរួច ប្អូនៗសិស្សានុសិស្ស និងអ្នកគ្រូរបស់គាត់បានថតរូបទុកជាអនុស្សាវរីយ៍ និងបរិភោគជុំគ្នា ក្រោមបរិយាកាសសប្បាយរីករាយក្រៃលែង។
July 11th, 2018 by Veasna Kheang
សាលារៀន អន្តរទ្វីប អាមេរិកាំង ជាសាលាមួយដែលផ្តោតទៅចំណេះដឹងទូទៅ ហើយបន្ថែមសកម្មភាពផ្សេងៗមានដូចជា កីឡា កម្មវិធីទស្សនកិច្ចសិក្សា កម្មវិធីចុះកម្មសិក្សា កម្មវិធីសម្បុរសធម៌ ការចែករំលែកបទពិសោធន៍ ការប្រកួតប្រជែងចំណេះដឹង កិច្ចតម្រង់ទិស និងកម្មវិធីបំណិនជីវិត។ ចំពោះកម្មវិធីបំណិនជីវិតនេះសាលារៀន អន្តរទ្វីប អាមេរិកាំង បានរៀបចំឱ្យមានពីថ្នាក់មត្តេយ្យសិក្សាដល់វិទ្យាល័យដើម្បីសិស្សានុសិស្សបានដឹងពីការធ្វើកិច្ចការផ្ទះបាយ គ្រឿងផ្សំ សម្ភារ គ្រឿងទេស ឱ្យសិស្សស្គាល់ដែលមាននៅក្នុងជីវិតរស់នៅប្រចាំថ្ងៃ និងវិធីធ្វើប្រែលប្រួលទៅតាមប្រភេទនៃបំណិនជីវិត។ រូបភាពខាងលើនេះជាកម្រងរូបភាពខ្លះៗក្នុងកម្មវិធីបំណិនជីវិតកន្លងមក។
June 29th, 2018 by Veasna Kheang
កាលពីថ្ងៃទី២៧ ខែមិថុនា ឆ្នាំ២០១៨ កន្លងទៅនេះ គណៈគ្រប់គ្រងសាលាបានរៀបចំកម្មវិធីពិសោធន៍វត្ថុលិច និងអណ្តែតជូនដល់សិស្សានុសិស្សថ្នាក់មត្តេយ្យសិក្សា ទាំងវេនព្រឹក និងរសៀល នៅអគារ ងិន ហួយ នៃសាលារៀន អន្តរទ្វីប អាមេរិកាំង សាខាម៉ៅសេទុង (ការិយាល័យកណ្តាល)។ អ្នកគ្រូ សៅ សិរីរ័ត្ន គ្រូបង្គោលថ្នាក់មត្តេយ្យសិក្សា នៃសាលារៀន អន្តរទ្វីប អាមេរិកាំង សាខាម៉ៅសេទុង បានដឹកនាំសិស្សតូចៗថ្នាក់មត្តេយ្យសិក្សា “ក” ចុះអនុវត្តពិសោធវត្ថុលិច និងអណ្ដែត ក្នុងគោលបំណងឱ្យសិស្សានុសិស្សយល់ដឹងពីការប្រើប្រាស់ទឹកសម្រាប់ដាក់វត្ថុលិច និងអណ្ដែត ព្រមទាំងការប្រើឧបករណ៍សម្រាប់ពិសោធន៍ជាដើម។ ការពិសោធនេះ គឺចង់បណ្ដុះទឹកចិត្តដល់សិស្សតូចៗទាំងនោះឱ្យស្រឡាញ់ការអនុវត្តពិសោធ ព្រមទាំងសកម្មនឹងកិច្ចការផ្ទះផងដែរ។ មួយវិញទៀត ការធ្វើពិសោធផ្ទាល់នេះ គឺមានចេតនាឱ្យសិស្សតូចៗទាំងនោះបានដឹងថា តើវត្ថុណាលិច ហើយវត្ថុណាអណ្តែតនៅលើផ្ទៃទឹកទៀតផង។ មិនតែប៉ុណ្ណោះ ចំណេះដែលទទួលបាននេះ ពួកគាត់នឹងយកទៅប្រាប់ដល់បងប្អូន មិត្តភក្ដិ និងអ្នកជិតខាងតូចៗដូចគ្នាផងដែរ។ ឧបករណ៍ដែលយកមកពិសោធមានដូចជា កូនបាល់ ធ្យូង ស្នោ សម្បកងាវ គ្រាប់ឡុកឡាក់ ទឹក កែវជ័រ និងគ្រាប់ក្រួសជាដើម ដែលវត្ថុទាំងនេះគឺងាយស្រួលរកនៅលើទីផ្សារ និងអាចច្នៃដោយខ្លួនឯងផងដែរ។
June 29th, 2018 by Veasna Kheang
កាលពីថ្ងៃទី២៨ ខែមិថុនា ឆ្នាំ២០១៧ កន្លងទៅនេះ គណៈគ្រប់គ្រងសាលាបានរៀបចំកម្មវិធីបំណិនជីវិត ឆាមីកាតាំង ជូនដល់ប្អូនៗសិស្សានុសិស្សថ្នាក់ទី៦ វេនព្រឹក និងវេនរសៀល នៃសាលារៀន អន្តរទ្វីប អាមេរិកាំង សាខាម៉ៅសេទុង។ការរៀបចំឡើង អ្នកគ្រូបានបង្ហាញ និងពន្យល់អំពីរបៀបនៃការឆាមីកា
ទៅកាន់ប្អូនៗ ហើយសិស្សានុសិស្សបានស្វែងយល់ពីការងារមេផ្ទះក្នុងការរស់នៅក្នុងសង្គមដោយខ្លួនឯងទៅថ្ងៃអនាគត។ ម្យ៉ាងទៀត សិស្សានុសិស្សបានចូលរួមបង្កើតសាមគ្គីភាព និងភាពស្និតស្នាលជាមួយមិត្តភក្តិក្នុងថ្នាក់ និងក្នុងសាលារៀន។ បន្ថែមពីនេះ សិស្សានុសិស្សបានអនុវត្តដោយផ្ទាល់ក្នុងការឆាមីកាតាំងផងដែរ ដើម្បីជាការសាកល្បងដោយផ្ទាល់បន្ទាប់ពីអ្នកគ្រូរបស់គាត់បានបង្ហាត់បង្ហាញចប់ និងក្រោយពេលបានចម្អិនរួច ប្អូនៗសិស្សានុសិស្ស និងអ្នកគ្រូរបស់គាត់បានថតរូបទុកជាអនុស្សាវរីយ៍ និងបរិភោគនូវសាច់គោឡើងជុំគ្នា ក្រោមបរិយាកាសសប្បាយរីករាយក្រៃលែង។
