Category:

សិស្ស​ AIS​ ធ្វើ​ពិសោធ​ពីនេះពីនោះ​

March 25th, 2019 by

កាលពីខែកុម្ភៈ ដល់ខែមីនា ឆ្នាំ២០១៩ កន្លងទៅនេះ លោកគ្រូ អ្នកគ្រូ  ដែលបង្រៀនលើ​មុខវិជ្ជា​ឯកទេសរបស់ខ្លួនតែងតែនាំសិស្សចូលបន្ទប់ពិសោធ។ នៅក្នុងការបង្រៀននោះ លោកគ្រូ អ្នកគ្រូបានច្បិចយកពីចំណុចសំខាន់ៗនៃខ្លឹមសារមេរៀន​មក​បង្ហាញ​ជូនសិស្សានុសិស្សឱ្យបានដឹង និងការប្រើឧបករណ៍ម៉ូទីម៉ែត្រ ដើម្បីបាន ជាវត្ថុបំណងនៃមេរៀន។ ជាពិសេសដើម្បីឱ្យសិស្សានុសិស្សកាន់​តែ​ងាយយល់ដោយផ្អែកទៅលើផ្នែកទ្រឹស្តី និងការអនុវត្តជាក់ស្តែងជាកក្តតាជួយជំរុញឱ្យសិស្សចង់រៀន និងចងចំាមេរៀន។ ទន្ទឹមនឹងនេះ អ្នកគ្រូក៏បានបែងចែកសិស្សានុសិស្សជាក្រុមដែលមាន សមាជិក៤ ទៅ៥នាក់ ដើម្បីធ្វើការពិសោធដោយផ្ទាល់ទៅតាមប្រធានបទផ្សេងៗគ្នា និងការប្រើប្រាស់សម្ភារពិសោធន ព្រម ជាមួយឧបករណ៍​ម៉ូទីម៉ែត្រផ្សារភ្ជាប់​នឹងទ្រឹស្ដីមេរៀនដែលប្អូនៗសិស្សានុសិស្សកំពុងសិក្សា។
ជាលទ្ធផលសិស្សានុសិស្សបានយល់ច្បាស់ពីការពិសោធមេរៀនទៅតាមកម្រិតថ្នាក់ និងមុខវិជ្ជាដែលបានរៀន ហើយការ​ពិសោធបានចេញជាលទ្ធផលដូចទៅនឹងទ្រឹស្តីមេរៀន ដែលធ្វើឱ្យសិស្សានុសិស្ស មានភាពរីករាយ​ដែលបានសិក្សាពិសោធន៍ដោយផ្ទាល់ជាមួយអ្នកគ្រូ លោកគ្រូ និងមិត្តភក្តិរួមថ្នាក់របស់គាត់ លើមេរៀន​ផ្សេងៗគ្នា។

ការ​អាន​បណ្តុះ​វប្បធម៌​ការសិក្សា​ពេញ​មួយ​ជីវិត

March 12th, 2019 by

 

កាលពី​ថ្ងៃទី១១​ ខែមីនា​ ឆ្នាំ២០១៩​ កន្លងទៅ​នេះ​ បណ្ណាល័យ​ ម៉េ​ងលី​ ជេ​. គួច​ នៃ​សាលារៀន​ អន្តរទ្វីប​ អាមេរិកាំង​ បាន​រៀបចំ​អបអរសាទរ​ទិវា​ជាតិ​អំណាន​ ស្តីអំពី​អំណាន​ការ​អាន​បណ្តុះ​វប្បធម៌​ ការសិក្សា​ពេញ​មួយ​ជីវិត​ នៅអគារ ងិន ហួយ សាខាម៉ៅសេទុង ស្រប​ពេល​គណៈកម្មការ​សាលា​ និង​លោកគ្រូ​ អ្នកគ្រូ​ បាន​សិស្ស​មួយចំនួន​ធំ​ទៅ​ចូលរួម​ទិវា​ជាតិ​អំណាន​លើក​ទី៤​ នៅចន្លោះ​ថ្ងៃ០៩​ ដល់១១​ ខែមីនា​ ឆ្នាំ២០១៩ដែល​មាន​ប្រធានបទ​ ការ​អាន​បណ្តុះ​វប្បធម៌​ ការសិក្សា​ពេញ​មួយ​ជីវិត​ នៅ​វិទ្យាស្ថាន​បច្ចេកវិទ្យា​កម្ពុជា​។ ការ​ផ្តោត​ទៅលើ​ការប្រកួត​និទាន​ សង្ខេប​រក​តម្លៃ​អប់រំ​នៃ​រឿង​ និង​សូត្រ​កំណាព្យ​ ហើយ​ជាពិសេស​មាន​អំណាន​សេរី​ ការ​បត់​រូប​ រួម​ទាំង​គំនូរផាត់ពណ៌​ជាដើម​ នៅក្នុង​ព្រឹត្តិ​ការណ៍​ទិវា​អំណាន​ជាតិ​ ដែល​ស្ថិត​ក្នុង​បរិវេណ​ វិទ្យាស្ថាន​បច្ចេកវិទ្យា​កម្ពុជា​។

សិស្សថ្នាក់ទី១២ ធ្វើពិសោធទៅលើការសង្កេតមើលខួរ និងភ្នែកគោ

March 9th, 2019 by

កាលពីថ្ងៃទី០៥ ខែមីនា ឆ្នាំ២០១៩ កន្លងទៅនេះ អ្នកគ្រូ ម៉ែន ភក្តី គ្រូបង្រៀនមុខវិជ្ជាជីវវិទ្យា  បានបង្រៀនមុខវិជ្ជាជីវវិទ្យាលើមេរៀន “សង្កេតការវះកាត់គ្រាប់ភ្នែក (សិក្សាលើភ្នែកគោ) និងសង្កេតមើលខួរ ” ជូនដល់សិស្សានុសិស្សថ្នាក់ទី១២ នៃសាលារៀន អន្តរទ្វីប  អាមេរិកាំង សាខាម៉ៅសេទុង (ការិយាល័យកណ្តាល) វេនព្រឹក និងរសៀល អគារ គួច លៀងហួរ មជ្ឈមណ្ឌលភាសា អេ អាយ អាយ សាខាម៉ៅសេទុង (ការិយាល័យកណ្តាល)។    នៅក្នុងសកម្មភាពបង្រៀននោះ អ្នកគ្រូ ម៉ែន ភក្តី បានលើកយកចំណុចសំខាន់ៗនៃខ្លឹមសារមេរៀនមកបង្ហាញជូនដល់សិស្សានុសិស្សឱ្យបានយល់ដឹងពីគោលបំណងនៃមេរៀន ដំណើរការនានានៃការពិសោធ ការប្រើប្រាស់ឧបករណ៍ និងសម្ភារពិសោធសម្រាប់ពិសោធទៅលើការវះកាត់គ្រាប់ភ្នែកគោ និងការសង្កេតមើលខួរ។ លើសពីនេះ អ្នកគ្រូ ម៉ែន ភក្តី បានបង្ហាញពីសម្ភារពិសោធនានាដូចជា កាំបិត ជ្រុញ ថាស ដង្កៀប និងគ្រាប់ភ្នែកគោ។  ការលើកបង្ហាញបែបនេះ គឺអ្នកគ្រូចង់បង្ហាញពីរបៀបពិសោធ ដំណើរការនៃការពិសោធ និងបានបង្ហាញឱ្យសិស្សស្គាល់ពីសម្ភារនានាសម្រាប់យកទៅពិសោធបានកាន់តែច្បាស់ ហើយក៏ដើម្បីឱ្យសិស្សបានសិក្សាស្វែងយល់អំពីរបៀបពិសោធទៅលើការវះកាត់គ្រាប់ភ្នែកគោ និងសង្កេតខួរ។   អ្នកគ្រូក៏បានចាប់ផ្តើមពិសោធទៅតាមដំណាក់កាលនីមួយៗ ព្រមទាំងពន្យល់បន្ថែមអំពីទ្រឹស្តីមេរៀនដែលត្រូវយកមកប្រើប្រាស់ក្នុងពេលពិសោធ។ ការពិសោធនេះ បានបង្ហាញឱ្យឃើញពីដំណើរការវះកាត់គ្រាប់ភ្នែកគោ និងខួរ។  ក្រោយពីបានពិសោធរួចរាល់ សិស្សានុសិស្សបានលើកឡើងជាសំណួរសួរទៅកាន់អ្នកគ្រូ ហើយអ្នកគ្រូក៏បានពន្យល់បន្ថែមទៀតដល់សិស្សានុសិស្សអំពីទ្រឹស្តីល្អៗ ព្រមទាំងវិធីសាស្រ្ត ពិសោធផងដែរ។ សមាជិកនីមួយៗនៃក្រុមពិសោធមានស្មារតីសហការ និងជួយពន្យល់ណែនាំគ្នាទៅវិញទៅមកដើម្បីឱ្យបានស្វែងយល់ និងចេះពីរបៀបពិសោធឱ្យបានគ្រប់គ្នា។ ក្រោយពីពិសោធចប់សព្វគ្រប់សិស្សានុសិស្សមានភាពសប្បាយរីករាយ ដោយបានស្វែងយល់ពីទ្រឹស្តីមេរៀន ព្រមទាំងអនុវត្តពិសោធបានយ៉ាងល្អ ហើយក៏បានថតរូបអនុស្សាវរីយ៍ជាមួយគ្នាក្នុងបរិយាកាសរីករាយ។

សិស្សថ្នាក់ទី១២ ចូលរួមពិព័រណ៍ការអប់រំសហរដ្ឋអាមេរិក

March 7th, 2019 by

កាលពីថ្ងៃទី០៤ ខែមីនា ឆ្នាំ២០១៩ កន្លងទៅនេះ គណៈកម្មការសាលា និងលោកគ្រូ អ្នកគ្រូ នៃ​សាលា​រៀន អន្តរទ្វីប អាមេរិកាំង បាននាំសិស្សថ្នាក់ទី១២ ទាំងអស់ចូលរួមពិព័រណ៍​ការ​អប់រំ​​សហរដ្ឋ​អាមេរិក សម្រាប់ឆ្នាំ២០១៩ នៅសណ្ឋាគារ Great Duke ដើម្បី​ទទួល​បាន​ឱកាស​សិក្សា​នៅ​សហរដ្ឋអាមេរិក។ កម្មវិធីតាំងពិព័រណ៍​ការ​អប់រំ​​សហរដ្ឋ​អាមេរិក​ រៀបចំ​ឡើង​ដោយ​ស្ថាន​ទូត​អាមេរិក និង​មជ្ឈមណ្ឌល​សម្រាប់​ការ​សិក្សា​អប់រំ​សហរដ្ឋ​អាមេរិក​នៅ​កម្ពុជា​ គឺ​ជា​ឱកាស​ល្អ​បំផុត​ចំពោះ​សិស្ស​-​និស្សិត​ ដែល​មាន​បំណង​បន្ត​សិក្សា​លើ​ជំនាញ​ណា​មួយ នៅ​សហរដ្ឋ​អាមេរិក។ ការនាំសិស្សានុសិស្សចូលរួមកម្មវិធីនេះដើម្បីឱ្យសិស្សថ្នាក់ទី១២ សិក្សាស្វែងយល់ពីប្រពន្ធ  លក្ខខណ្ឌនិងដំណើរការក្នុងទទួលបានអាហារូបករណ៍ទៅសិក្សានៅ​បរទេស​ពី​អ្នក​ជំនាញ​ៗមក​ពី​គ្រឹះស្ថាន​សិក្សា និង​សាកលវិទ្យាល័យ​នានា​មក​ពី​សហរដ្ឋ​អាមេរិក​ប្រមាណ​២៥​គ្រឹះ​ស្ថាន​សិក្សា។

សាលារៀន អន្តរទ្វីប អាមេរិកាំង និង​អង្គការ​រ៉ាក់ ចុះកិច្ច MOU ជាដៃគូ…

March 4th, 2019 by

សាលារៀន អន្តរទ្វីប អាមេរិកាំង និង​អង្គការ​រ៉ាក់ ចុះកិច្ច MOU ជាដៃគូ…

បណ្ណាល័យប្រគល់បណ្ណសរសើរដល់សិស្សឆ្នើមខាងអំណាន

March 1st, 2019 by

 

កាលពីថ្ងៃទី២៨ ខែកុម្ភៈ ឆ្នាំ២០១៩ កន្លងទៅនេះ គណៈកម្មការសាលា និងលោកគ្រូ អ្នកគ្រូបណ្ណារក្ស នៃសាលារៀន អន្តរទ្វីប អាមេរិកាំង បានប្រគល់បណ្ណសរសើរ​ពី​បណ្ណាល័យ ម៉េងលី ជេ. គួច ដល់សិស្សឆ្នើមខាងអំណានដើម្បីបង្កើនការលើកទឹកចិត្តដល់​អ្នក​អាន ដោយ​ការ​ផ្ដល់​សៀវភៅ​អាន ស្រាវជ្រាវ ទីតាំង និង​ការ​ខ្ចី​សៀវភៅ រួម​ទាំង​បណ្ណ​សរសើរ​សម្រាប់​សិស្ស​ឆ្នើម​ផង​ដែរ។ ជាពិសេសបណ្តុះទម្លាប់ទម្លាប់​ឱ្យ​សិស្ស​ចេះយ​កពេល​ទំនេរ​របស់​ខ្លួន​ទៅ​អាន​សៀវភៅ​ក្នុង​បណ្ណាល័យ​ក្ដី ឬ​ខ្ចី​យក​ទៅ​អាន​នៅ​ផ្ទះ​ក្ដី ដើម្បីពង្រីកបានចំណេះដឹងកាន់តែទូលំទូលាយ និង​ឈ្លាស​វៃ​ក្នុង​ការ​ដោះស្រាយ​រាល់​បញ្ហា​កាន់​តែ​ប្រសើរ។

សិស្សថ្នាក់ទី១១ ធ្វើពិសោធអំពី មើលកោសិការុក្ខជាតិ

February 21st, 2019 by

 

កាល​ពី​ថ្ងៃ​ទី​១៨ ខែ​កុម្ភៈ ឆ្នាំ​២០១៩​ អ្នកគ្រូ ឃាន កក្កដា គ្រូ​ឯកទេស​ជីវវិទ្យា នៃ​សាលារៀន អន្តរទ្វីប អាមេរិកាំងអគារ គួច លៀងហួរ មជ្ឈមណ្ឌលភាសា អេ អាយ អាយ សាខាម៉ៅសេទុង បាន​ដឹកនាំ​សិស្សានុសិស្ស​ថ្នាក់​ទី​១១​ ​ធ្វើ​ពិសោធ​ស្តីពីមើលកោសិការុក្ខជាតិទៅលើកោសិកា​ខ្ទឹម​បារាំង។ អ្នកគ្រូបញ្ជ្រាបសិស្សថ្នាក់ទី១១បានយល់ច្បាស់​រវាង​ការ​សិក្សា​ទ្រឹស្តី​ និង​ការ​អនុវត្ត​ផ្ទាល់ ដោយ​បាន​ឃើញ​ពិត​ប្រាកដ​ដូច​នូវ​អ្វី​ដែល​យើង​បាន​សិក្សា និង​ឱ្យ​គាត់​ចេះ​ពី​ការ​ប្រើ​ប្រាស់​មី​ក្រូទស្សន៍​ផ​ង​ដែរ។ លទ្ធផលសិស្សធ្វើពិសោធកោសិការុក្ខជាតិខ្ទឹមបារាំងសិស្ស​មាន​ជំនឿ​ចិត្ត​នូវ​អ្វី​ដែល​ពួកគេ​ទទួល​បាន​ការ​ពិត និង​ត្រឹម​ត្រូវ ហើយ​ទាំ​ង​នេះ​បាន​​បញ្ជាក់​ឱ្យ​ឃើញ​ថា សិស្ស​ទាំង​អស់​មាន​កម្លាំង​ចិត្ត​ក្នុង​ការ​សិក្សា​បន្ត​ទៀត​ដែរ។

បទបង្ហាញរបស់សាកលវិទ្យាល័យបាងកកសម្រាប់សិស្សានុសិស្សថ្នាក់ទី១២

February 5th, 2019 by

កាលពីថ្ងៃទី០២ ខែកុម្ភៈ ឆ្នាំ២០១៩ កន្លងទៅនេះ​ គណៈកម្មការសាលា នៃសាលារៀន អន្តរទ្វីប អាមេរិកំាង បានសហការជាមួយខាងសាកលវិទ្យាល័យបាងកកដើម្បីធ្វើបទបង្ហាញស្តីពីការសិក្សាថ្នាក់ឧត្តមសិក្សានៅព្រះរាជាណាចក្រថៃ នៅសាលប្រជុំ សូវ ហុងគុយ
អគារ លីម គីមណយ សាលារៀន អន្តរទ្វីប អាមេរិកាំង សាខាម៉ៅសេទុង។ ក្នុងបទបង្ហាញនេះគឺឱ្យសិស្សានុសិស្សយោលដឹងអំពីលក្ខខណ្ឌបំពេញពាក្យខាងសាកលវិទ្យាល័យបាងកកតម្រូវឱ្យមានឯកសារអ្វីខ្លះ សាកលវិទ្យាល័យនេះក៏មានអាហារូបកណ៍សម្រាប់សិស្សានុសិស្ស មានទំាងកន្លែងស្នាក់នៅ និងមានជំនាញជាច្រើនសម្រាប់ជ្រើសរើស។

ពិធីបើកការតាំងពិព័រណ៍ការសិក្សានៅប្រទេសម៉ាទ្បេស៊ី និងឱកាសការងារ ឆ្នាំ២០១៨

November 19th, 2018 by

កាលពីថ្ងៃទី១៧ ខែវិច្ឆិកា ឆ្នាំ២០១៨ កន្លងទៅនេះ គណៈកម្មការសាលា នៃសាលារៀន អន្តរទ្វីប អាមេរិកាំង បាននាំសិស្សានុសិស្សទៅចូលរួមពិធីបើកការតំាងពិព័រណ៍​ការសិក្សានៅប្រទេសម៉ាទ្បេស៊ី និងឱកាសការងារ  ឆ្នាំ២០១៨ សម្រាប់កម្ពុជា ដែលបានរៀបចំឡើងដោយក្រសួងអប់រំ យុវជន និងកីឡា សហការជាមួយ​ក្រសួងអប់រំម៉ាឡេស៊ី ក្នុង​គោល​បំណង​​បង្កើនកិច្ចសហការ​ប្រតិបត្តិការ​ និង​រឹត​បន្តឹង​ទំនាក់ទំនង​រវាង​ព្រះ​រាជាណាចក្រ​កម្ពុជា និងប្រទេស​ម៉ាទ្បេស៊ី ក្នុងការលើកកម្ពស់គុណភាពអប់រំ និងកំណើនសេដ្ឋកិ​ច្ច​នៃប្រទេសទាំងពីរ និង​ដើម្បី​ជំរុញ​ការ​ចល័ត​និស្សិត ការផ្លាស់ប្តូរបុគ្គលិក និងការធ្វើគម្រោងស្រាវជ្រាវរួមគ្នា ព្រមទាំង​ចែករំលែកព័ត៌មានដល់និស្សិតកម្ពុជាអំពីការសិក្សានៅម៉ាទ្បេស៊ី ក៏​ដូច​ជាឱកាសការងារនៅក្នុងក្រុមហ៊ុនម៉ាទ្បេស៊ីដែល​​កំពុងប្រតិបត្តិការនៅកម្ពុជាផងដែរ។​ ពិធី​បើក​ការ​តាំង​ពិព័រណ៍​សិក្សា​នេះ​ត្រូវ​បាន​ប្រារព្ធ​ឡើង​ក្រោម​អធិបតី​ភាព  ឯកឧត្តមបណ្ឌិត សាន វឌ្ឍនា អនុ​រដ្ឋ​លេខាធិការ ក្រសួង​អប់រំ យុវជន និង​កីឡា លោក​បណ្ឌិត Rujhan Mustafa នាយក​ប្រតិបត្តិ​ EMGS នៃក្រសួងអប់រំម៉ាទ្បេស៊ី និង​ឯកឧត្តម RuzaimiMohamad អនុប្រធានបេសកកម្មនៃស្ថានទូតម៉ាទ្បេស៊ីប្រចាំកម្ពុជា នៅសណ្ឋាគារកាំបូឌីយ៉ាណា រាជធានីភ្នំពេញ។

ពិធីសំណេះសំណាលជាមួយបេក្ខជន ដែលបានប្រឡងជាប់សញ្ញាបត្រមធ្យមសិក្សាទុតិយភូមិ និទ្ទេស “A”

November 12th, 2018 by

កាលពីថ្ងៃទី០៨ ខែវិច្ឆិកា ឆ្នំា២០១៨ កន្លងទៅនេះ គណៈកម្មកាសាលា នៃសាលារៀន អន្តរទ្វីប អាមេរិកាំង បានដឹកនាំសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ និទេ្ទស “A”ដើម្បីចូលរួមសំណេះសំណាលជាមួយបេក្ខជន ដែលបានប្រឡងជាប់សញ្ញាបត្រមធ្យមសិក្សាទុតិយភូមិ និទ្ទេស “A” ​ទាំង៤០៨នាក់ ដែលធ្វើនៅ​វិមាន​សន្តិភាព ហើយសម្តេច​នាយក​រដ្ឋមន្រ្តី​ ​ហ៊ុន​ ​សែន​ ​ផ្តល់​ជា​វត្ថុ​អនុស្សាវរីយ៍​និង​រង្វាន់​លើកទឹកចិត្ត។ ជាមួយនឹង​ការ​ផ្តល់​រង្វាន់​ជា​ប្រាក់​ស្លឹង​នេះ​ ​សិស្ស​និទ្ទេស​ ​Aទាំងអស់​ក៏​ទទួល​បាន​ ​ថវិកា​ម្នាក់២លាន​រៀល​ ​I​ ​pad​ ​តម្លៃ៤៨០ដុល្លារ​ម្នាក់​មួយ​គ្រឿង​ ​និង​សៀវភៅ​មួយចំនួន​ទៀតផង​ដែរ​។​