Archives: Gallery

ការប្រកួតចំណេះដឹង ភូមិសាស្រ្តជាតិ ម៉េងលី ជេ. គួច វគ្គផ្តាច់ព្រ័ត្រ

កាលពីថ្ងៃទី១៦ ខែកុម្ភៈ ឆ្នាំ២០១៩ កន្លងទៅនេះ សាលារៀន អន្តរទ្វីប អាមេរិកាំង បានរៀបចំការប្រកួតចំណេះដឹង ភូមិសាស្រ្តជាតិ ម៉េងលី ជេ. គូច លើកទី៧ សម្រាប់វគ្គផ្តាច់ព្រ័ត្រ នៅសាលប្រជុំ សូវ ហុងគុយ អគារ លីម គីមណយ សាលារៀន អន្តរទ្វីប អាមេរិកាំង សាខាម៉ៅសេទុង។ ការប្រកួតនេះបានជ្រើសរើសបេក្ខជនដែលឆ្លងកាត់វគ្គជម្រុះទី២ដើម្បីប្រកួតក្នុងវគ្គផ្តាច់ព្រ័ត្រ ហើយជាលទ្ធផលគណៈកម្មការជំនាញបានរកឃើញ​បេក្ខជន ដែល​មាន​សមត្ថភាព​ខ្ពស់ លើ​ចំណេះដឹង​ភូមិសាស្ត្រ​ជាតិ លើក​ទី៧ ចំនួន​៣រូប ជាប់​ជា​ជើង​ឯកពាន​រង្វាន់ ម៉េងលី ជេ. គួច ក្នុង​​ឆ្នាំសិក្សា២០១៨-២០១៩។ បេក្ខជន ដែល​ឆ្លង​ផុតដល់​វគ្គផ្ដាច់​ព្រ័ត្រ និង​ជាប់ជ័យ​លាភី ក្នុងការ​ប្រកួត​ចំណេះដឹង​ភូមិសាស្ត្រ​ជាតិ ម៉េងលី ជេ. គួច ទាំង៣​រូប​នោះ គឺ​លេខ​១ បាន​ទៅ​យុវតី ស៊ីម សេនឌី ជាសិស្ស​មក​ពី​សាលារៀន AIS សាខា​ចាក់​អង្រែ​។ លេខ២ បានទៅ​លើ​យុវជន សារិន ណាឌីន និង​លេខ៣…

កម្មវិធីបំណិនជីវិត

សាលារៀន អន្តរទ្វីប អាមេរិកាំង មានកម្មវិធីយ៉ាងសំបូរបែបដែលបន្ថែមលើមុខវិជ្ជាគោល សូមទស្សនាលើកម្មវិធីមួយក្នុងចំណោមកម្មវិធីជាច្រើនដែលមានឈ្មោះថាបំណិនជីវិតមានដូចខាងលើ។ កម្មវិធីបំណិនជីវិតនេះបណ្តុះស្មារតីសិស្សានុសិស្សឱ្យស្វែងយល់ពីជីវិតរស់នៅប្រចាំថ្ងៃមានដូចជា របៀបធ្វើ សម្ភារចម្អិន គ្រឿងផ្សំ របៀបចម្អិន ព្រមទាំងសហការជាក្រុម និងការអនុវត្តន៍ជាក់ស្តែង។

កម្មវិធីយុទ្ធនាការផ្សព្វផ្សាយអប់រំ «ភ្នំពេញស្អាត»

កាលពីថ្ងៃ១៩ ខែវិច្ឆិកា ឆ្នាំ២០១៨ កន្លងទៅនេះ គណៈ​គ្រប់​គ្រង​នៃ​សាលា​រៀន អន្តរទ្វីប អាមេរិកាំង សហការ​ជាមួយ​នឹង​គម្រោង​ភ្នំពេញ​ស្អាត បាន​បើក​អង្គសិក្ខា​សាលាមួយ​ស្ដីពី យុទ្ធនា​ការ​ភ្នំពេញស្អាត ដល់​សិស្សា​នុ​សិស្ស។ នៅក្នុងសិក្ខាសាលានេះ អ្នកស្រី រស់ យ៉ាណា ប្រធាន​សាលារៀន អន្តរទ្វីប អាមេរិកាំង បាន​កោតសរសើរ ដល់​ក្រុមយុវជន ស្ម័គ្រ​ចិត្ត​ក្នុង​គម្រោង​ភ្នំពេញ​ស្អាត ដែល​មាន​សកម្មភាព​យ៉ាង​សកម្ម ក្នុងការ​រួមចំណែក​កាត់​បន្ថយ និង​ឈាន​ទៅ​លុប​បំបាត់​សំរាម នៅ​ក្នុង​រាជធានី​។ ទន្ទឹម​នឹងនេះ អ្នកស្រី ក៏​បាន​កោត​សរសើរ ដល់​អតីត​សិស្ស​សាលារៀន AIS ដែល​ក្លាហាន មានទឹកចិត្ត និង​មាន​សមត្ថភាព​ធ្វើកិច្ចការ​នៅ​ក្នុង​គម្រោង​ភ្នំពេញ​ស្អាតនេះ​ផង​ដែរ។​ អ្នកស្រី រំពឹង​ថា សិក្ខាសាលានេះ នឹង​ជាប្រយោជន៍ ដល់​សិស្សានុ​សិស្ស និង​បន្ត​ផ្សព្វផ្សាយ ដល់​បងប្អូន មិត្តភក្ដិ និង​មនុស្ស​នៅជុំវិញ​ឱ្យបាន​ផុសផុល ដើម្បី​ក្រុង​ភ្នំពេញ និង​កម្ពុជា​ទាំងមូល មាន​សម្រស់​កាន់​តែ​ប្រពៃ។ លោក ផល ពិសាល នាយកគ្រប់គ្រង និងជា​ប្រធាន​គម្រោង​អនុវត្តស្អាត បាន​លើកឡើងថា នេះជាលើក​ទី២ ហើយ ដែលគម្រោង​ភ្នំពេញស្អាត សហការ​ជា​មួយ​សាលារៀន…

ពិធីបើកការតាំងពិព័រណ៍ការសិក្សានៅប្រទេសម៉ាទ្បេស៊ី និងឱកាសការងារ ឆ្នាំ២០១៨

កាលពីថ្ងៃទី១៧ ខែវិច្ឆិកា ឆ្នាំ២០១៨ កន្លងទៅនេះ គណៈកម្មការសាលា នៃសាលារៀន អន្តរទ្វីប អាមេរិកាំង បាននាំសិស្សានុសិស្សទៅចូលរួមពិធីបើកការតំាងពិព័រណ៍​ការសិក្សានៅប្រទេសម៉ាទ្បេស៊ី និងឱកាសការងារ  ឆ្នាំ២០១៨ សម្រាប់កម្ពុជា ដែលបានរៀបចំឡើងដោយក្រសួងអប់រំ យុវជន និងកីឡា សហការជាមួយ​ក្រសួងអប់រំម៉ាឡេស៊ី ក្នុង​គោល​បំណង​​បង្កើនកិច្ចសហការ​ប្រតិបត្តិការ​ និង​រឹត​បន្តឹង​ទំនាក់ទំនង​រវាង​ព្រះ​រាជាណាចក្រ​កម្ពុជា និងប្រទេស​ម៉ាទ្បេស៊ី ក្នុងការលើកកម្ពស់គុណភាពអប់រំ និងកំណើនសេដ្ឋកិ​ច្ច​នៃប្រទេសទាំងពីរ និង​ដើម្បី​ជំរុញ​ការ​ចល័ត​និស្សិត ការផ្លាស់ប្តូរបុគ្គលិក និងការធ្វើគម្រោងស្រាវជ្រាវរួមគ្នា ព្រមទាំង​ចែករំលែកព័ត៌មានដល់និស្សិតកម្ពុជាអំពីការសិក្សានៅម៉ាទ្បេស៊ី ក៏​ដូច​ជាឱកាសការងារនៅក្នុងក្រុមហ៊ុនម៉ាទ្បេស៊ីដែល​​កំពុងប្រតិបត្តិការនៅកម្ពុជាផងដែរ។​ ពិធី​បើក​ការ​តាំង​ពិព័រណ៍​សិក្សា​នេះ​ត្រូវ​បាន​ប្រារព្ធ​ឡើង​ក្រោម​អធិបតី​ភាព  ឯកឧត្តមបណ្ឌិត សាន វឌ្ឍនា អនុ​រដ្ឋ​លេខាធិការ ក្រសួង​អប់រំ យុវជន និង​កីឡា លោក​បណ្ឌិត Rujhan Mustafa នាយក​ប្រតិបត្តិ​ EMGS នៃក្រសួងអប់រំម៉ាទ្បេស៊ី និង​ឯកឧត្តម RuzaimiMohamad អនុប្រធានបេសកកម្មនៃស្ថានទូតម៉ាទ្បេស៊ីប្រចាំកម្ពុជា នៅសណ្ឋាគារកាំបូឌីយ៉ាណា រាជធានីភ្នំពេញ។

ពិធីសំណេះសំណាលជាមួយបេក្ខជន ដែលបានប្រឡងជាប់សញ្ញាបត្រមធ្យមសិក្សាទុតិយភូមិ និទ្ទេស “A”

កាលពីថ្ងៃទី០៨ ខែវិច្ឆិកា ឆ្នំា២០១៨ កន្លងទៅនេះ គណៈកម្មកាសាលា នៃសាលារៀន អន្តរទ្វីប អាមេរិកាំង បានដឹកនាំសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ និទេ្ទស “A”ដើម្បីចូលរួមសំណេះសំណាលជាមួយបេក្ខជន ដែលបានប្រឡងជាប់សញ្ញាបត្រមធ្យមសិក្សាទុតិយភូមិ និទ្ទេស “A” ​ទាំង៤០៨នាក់ ដែលធ្វើនៅ​វិមាន​សន្តិភាព ហើយសម្តេច​នាយក​រដ្ឋមន្រ្តី​ ​ហ៊ុន​ ​សែន​ ​ផ្តល់​ជា​វត្ថុ​អនុស្សាវរីយ៍​និង​រង្វាន់​លើកទឹកចិត្ត។ ជាមួយនឹង​ការ​ផ្តល់​រង្វាន់​ជា​ប្រាក់​ស្លឹង​នេះ​ ​សិស្ស​និទ្ទេស​ ​Aទាំងអស់​ក៏​ទទួល​បាន​ ​ថវិកា​ម្នាក់២លាន​រៀល​ ​I​ ​pad​ ​តម្លៃ៤៨០ដុល្លារ​ម្នាក់​មួយ​គ្រឿង​ ​និង​សៀវភៅ​មួយចំនួន​ទៀតផង​ដែរ​។​

បំណិនជីវិត ដាំត្រកួន

កាលពីថ្ងៃទី០៦ ខែវិច្ឆិកា ឆ្នាំ២០១៨ កន្លងទៅនេះ អ្នកគ្រូបង្គោលថ្នាក់ទី២ បានដឹកនាំសិស្សានុសិស្សថ្នាក់ទី២  វេនព្រឹក និងវេនរសៀលរៀនដាំត្រកួន នៅក្នុងអគារ ងិន ហួយ សាលារៀន អន្តរទ្វីប អាមេរិកាំង សាខាម៉ៅសេទុង។ អ្នកគ្រូបានបង្ហាញពីឈ្មោះគ្រាប់បន្លែដែលត្រូវដាំ សម្ភារ ដី       និងការស្រោចទឹកទៅតាមដំណាក់កាល។ បន្ទាប់មកទៀត សិស្សានុសិស្សបានចូលរួមដាំត្រកួន ទាំងអស់គ្នាដោយភាពសប្បាយរីករាយ។ អ្នកគ្រូក៏បានចែករំលែកនូវវិធីសាស្រ្តដើម្បីថែទាំការដាំត្រកួន ឱ្យដុះលូតលាស់បានល្អ។ បន្ទាប់ពីបានដាំបន្លែរួចហើយ សិស្សានុសិស្សមានសេចក្តីត្រេកអរ និងទន្ទឹងរង់ចាំមើលការលូតលាស់របស់បន្លែដែលពួកគេបានដាំ។ ជាលទ្ធផល សិស្សានុសិស្សទាំងអស់បានយល់ដឹងពីរបៀបដាំបន្លែ      ការស្រោចទឹកទៅតាមដំណាក់កាល និងវិធីសាស្រ្តថែទាំដាំបន្លែឱ្យដុះលូតលាស់បានល្អ ព្រមទាំងទទួលបានភាពសប្បាយរីករាយនៅក្នុងកម្មវិធីនេះផងដែរ។

កម្រងរូបភាពក្នុងការរៀនជំនាញផ្សេងៗ

សាលារៀន អន្តរទ្វីប អាមេរិកាំង មានការបង្រៀនជំនាញផ្សេងៗ ជារៀងរាល់ថ្ងៃ សៅរ៍មានដូចខាងក្រោម ៖

សាលារៀន អន្តរទ្វីប អាមេរិកាំងចូលរួមបើកបវេសនកាលឆ្នាំ២០១៨ -២០១៩ជាមួយសាលាបឋមសិក្សាភូមិ៧

កាលពីថ្ងៃទី១ខែវិច្ឆិកា​ ឆ្នាំ២០១៨ កន្លងទៅនេះ គណៈកម្មការសាលារៀន អន្តរទ្វីប អាមេរិកាំង និង មូលនិធិ ម៉េងលី ជេ. គួច បានចូលរួម និងនាំយកសម្ភារសិក្សា​ចំនួន២៥០កញ្ចប់សម្រាប់ធ្វើការបរិច្ចាកទៅ​សិស្សានុសិស្ស​នៃ​សាលាបឋមសិក្សា​ភូមិ៧ ធ្វើឡើង​នៅ​ក្នុង​បរវេណ​សាលាបឋមសិក្សា​ភូមិ៧ ស្ថិត​ក្នុង​ភូមិ២ សង្កាត់​ទំនប់ទឹក ខណ្ឌ​ចំការមន រាជធានី​ភ្នំពេញ គឺនៅពេលរៀប​ចំពិធីបើក​បវេសនកាល​ឆ្នាំ​សិក្សា​២០១៨-២០១៨ និង​ប្រារព្ធ​ទិវា​គ្រូបង្រៀន​ផងដែរ។ លោកនាយក​សាលាបឋមសិក្សា​ភូមិ៧ បានលើក​ឡើង​ថា តាងនាម​លោក​ជា​គណៈគ្រប់គ្រង​សាលា​បឋមសិក្សា​ភូមិ៧ លោក​ពិតជាមាន​សេចក្ដីសោមនស្សរីករាយ​យ៉ាងក្រៃលែង និង​កោតសរសើរ​យ៉ាងខ្លាំងចំពោះ​មូលនិធិ ម៉េងលី ជេ. គួច ពិសេស​លោក​ឧកញ៉ា វេជ្ជបណ្ឌិត គួច ម៉េងលី នាយកប្រតិបត្តិ​នៃ​មូលនិធិ និង​ជា​ស្ថាបនិក​នៃ​វិទ្យាស្ថាន និង​សាលារៀន អន្តរទ្វីប អាមេរិកាំង ដែល​តែងតែ​យកចិត្ត​ទុកដាក់ ក៏ដូចជា​ចូលរួម​ឧបត្ថម្ភ​សម្ភារសិក្សា​ដល់សិស្សសាលា​របស់លោក​ជា​រៀងរាល់ឆ្នាំ​សិក្សា​ ពិសេស​គឺ​រៀងរាល់​សាលាបឋមសិក្សា​ភូមិ៧ រៀបចំពិធីបើក​បវេសនកាល​ឆ្នាំសិក្សា​ថ្មី។ ដើម្បីជាការតបស្នង​គុណ យើង​ខ្ញុំមានតែ​ប្ដេជ្ញា​ចិត្ត និង​ពួតដៃគ្នា​ខិតខំ​បង្ហាត់​បង្រៀន​សិស្សានុសិស្ស​ឱ្យ​អស់​ពីកម្លាំងកាយ​ចិត្ត ដើម្បី​ឱ្យពួកគេ​ទទួលបាន​ចំណេះដឹង​ពិតប្រាកដ ហើយ​អាចយកទៅ​ប្រើប្រាស់​ក្នុង​សង្គម​បាន​ប្រកបដោយ​ប្រសិទ្ធភាព​តែប៉ុណ្ណោះ។ ​មូលនិធិ ម៉េងលី ជេ. គួច បាន​ឱ្យដឹង​ថា ការណ៍​ដែល​មូលនិធិ ម៉េងលី ជេ. គួច…

អបអរសាទរ ពិធីបើកបវេសនកាលឆ្នាំសិក្សា២០១៨-២០១៩

កាលពីថ្ងៃ០១ ខែវិច្ឆិកា ឆ្នំា២០១៨ កន្លងទៅនេះ គណៈកម្មការសាលា នៃសាលារៀន អន្តរទ្វីប អាមេរិកាំង បាននាំសិស្សានុសិសថ្នាក់ទី១២ ដែលទទួលបាននិទ្ទេស A ដើម្បីចូលរួមអបអរសាទរពិធីបើកបវេសនកាលឆ្នាំសិក្សា២០១៨-២០១៩ និងចែករង្វាន់សិស្សពូកែរាជធានីភ្នំពេញ នៅអនុវិទ្យាល័យចតុមុខ។

ការធ្វើបទបង្ហាញស្តីពីបទបញ្ជាផ្ទៃក្នុងរបស់សាលារៀន

កាលពីថ្ងៃទី២០ ខែតុលា ឆ្នំា២០១៨​កន្លងទៅនេះ បានធ្វើបទបង្ហាញស្ដីពីបទបញ្ញត្តិទូទៅសម្រាប់ សិស្សានុសិស្សចំណេះទូទៅជូនសិស្សានុសិស្ស ដែលធ្វើបទបង្ហាញដោយក្រុមប្រឹក្សាវិន័យនៃសាលារៀន អន្តរទ្វីប អាមេរិកាំង  ដែលមានវត្តមានលោកគ្រូ អ្នកគ្រូចូលរួម ទាំងសិស្សានុសិស្សវេនព្រឹក និងវេនរសៀលចផងដែរ។ ក្នុងការធ្វើបទបង្ហាញនោះដែរ ក្រុមប្រឹក្សាវិន័យដែលធ្វើបទបង្ហាញ និងប្រធានផ្នែកការិយាល័យកិច្ចការសិស្ស បានធ្វើការបង្ហាញយ៉ាងក្បោះក្បាយអំពីបទបញ្ញត្តិ វិន័យ និងសណ្ដាប់ធ្នាប់ទូទៅឱ្យសិស្សានុសិស្ស កាន់តែយល់ច្បាស់បន្ថែមទៀត។